( #ممنوعة_انتي )
#ماتدخليش
علي قلب
بيموت من زمان
عايش
#مراسم_الإحتضار
بيمثل الروح و الحياة
و يمارس الدق
بصعوبة و إنتظار
راسم
علامات التعجب
للأمل
سايب
علامات التساؤل
للنهار
فاهم بإن العمر لو
ما إتعاششي مرة
- معاها (معاكي) -
مالهوش أي لون
دايس علي باقي الطريق
دونما أي إهتمام
و كأنه عاش مع يأسه منك
ألف عام
حارب خفافيش العدم
ما كسبشي غير جايزة ألم
و حنين و دام
لابس #جلابيب_الحداد
علي وعده غير المكتمل
و وصل مكتوب كل مرة
يتوإد بإيدين جداد
في #مهد_حب
#طاقات_أمل
#نفس_الميعاد
2 -
( #ممنوعة_أنتي )
20/8/2019
و انا .....
ممنوع من السفر الطويل
مسجون في حلقة غربتي
و السجن مسجون في البراح
ارتاح منين و اللي انكتب
في عينيكي أصعب م الضياع
و بقيت اخاف لتقولي كلمة
فتسجن السجن الكبير
و بقيت اخاف حتي اقابلك
ينتهي الحلم الأخير
فاصحي علي صوت الألم
و افوق علي لون الحياه
وبطعم ذكري جاية
هتمرر مرار المر
#وحدة
لنهاية الطريق
#ماتدخليش
عليا و انتي معيطة
أو لابسة لون غير البراح
مابحبش الميكب و (لغوصة (الحاجات) )
داانتي لو حطيتي كحل
هاموت و قبل ما توصلي
وهتلبسي
#توب_الحداد
و اخاف عليكي الحزن ليقرب
علي ال
#وش_القمر
يجرح رموش الحب
أو خد الحياه
لمي الضفيرة شوية
لتدوق التراب
دي
الأرض لو شمت ضفيرتك
من ( م) الأمل تطرح #بنات
حاببك كما ريتك
لأول مرة زي الشمس
لعيون السجين
إلبسي بيتنا القديم
و الشوارع و الحارات
و البحر و النيل و الشجر
و النخل و عيون البنات
و إلبسي سحر المراهقة
و طفولتنا
و أبلة العربي و
تعالي
#يوم_خميس
وإلبسي جنينة البلد
و السيما و #حلاوة_زمان
و #العروسة_و_الحصان
مولد بلدنا و العيدين
شم النسيم ...عيد الوطن
و الفسحة و طابور الصباح
زغللي عيني بكل #الذكريات
#أحمد_عبد_الوهاب
#الشاعر
يتبع
و السيما و #حلاوة_زمان
و #العروسة_و_الحصان
مولد بلدنا و العيدين
شم النسيم ...عيد الوطن
و الفسحة و طابور الصباح
زغللي عيني بكل #الذكريات
#أحمد_عبد_الوهاب
#الشاعر
يتبع
 # ماتدخليش علي قلب بيموت من زما...){kind=link}